«Уа, иман еткендер! Аллаһтан лайықты түрде қорқыңдар» Әли Имран» сүресі, 102-аят | Намаз уақыттарын жүктеп алу

ЕКІНТІДЕН БҰРЫН ОҚЫЛАТЫН СҮННЕТ НАМАЗЫНЫҢ АРТЫҚШЫЛЫҒЫ ҚАНДАЙ?
Бейсенбі, 14 Қазан 2021 00:00

ЕКІНТІДЕН БҰРЫН ОҚЫЛАТЫН СҮННЕТ НАМАЗЫНЫҢ АРТЫҚШЫЛЫҒЫ ҚАНДАЙ?

Екінтіден бұрын оқылатын сүннет намазының артықшылығы қандай?

Жауап

Бес уақыт парыз және бекітілген сүннет намаздарынан тыс нәпіл намаздары бар. Соның бірі екінті намазының бұрын оқылатын нәпіл намазы. Бұл намаздың артықшылығы жөнінде Алла елшісі (оған Алланың салауаты мен сәлемі болсын) былай деген:

رحم الله إمرأ صلى قبل العصر أربعا

«Екінтіден бұрын төрт ракағат оқыған пендені, Алла мейріміне бөлесін!»[1].  

من صلى قبل العصر أربعا حرمه الله على النار

«Кімде кім Екінтіден алдын төрт ракағат оқыса, Алла оны тозақ отына харам етеді»[2].

Сондай-ақ Пайғамбарымыз (оған Алланың салауаты мен сәлемі болсын) бұл намазды төрт немесе екі ракағат оқығандығы туралы деректер келген[3].

Жоғарыдағы хадистерді негізге ала отырып Ханафи мәзһабының ғұламалары екінтіден бұрын нәпіл намазын оқу мустахаб деген[4]. Бұл намазды екі немесе төрт ракағат етіп оқуға да болады[5].

Имам Тахтауи мустахаб терминің былай деп түсіндіреді: ««Мустахаб», «мандуб», «мурағғаб фихи», «хасан» барлығы бір мағынаны білдіретін сөздер (синониум). Яғни, дініміз міндет етпесе де, алайда атқарылуы ұнамды іс болып  табылатын ам алды мустахаб деп атаймыз»[6].

Қорытындылай келе, екінті намазынан алдын екі немесе төрт ракағат оқу – мустахаб. Бұл намазды оқыған адам Пайғамбарымыздың (оған Алланың салауаты ме сәлемі болсын) хадисінде айтылғандай Алланың мейіріміне бөленеді. 


[1] Тирмизи, №1271.

[2] Табарани жеткізген хадис.

[3] Әбу Дәуіт риуаят еткен.

[4] Құдури, 131.

[5] Хашияту ибн Абидин, 1/452.

[6] Хашияту Тахтауи аля Мароқил-Фалях, 1/530.

Автор: Дарханұлы Тамирлан / «Әзірет-Сұлтан мешітінің наиб имамы

Read 52 times
Сұрақ-жауаптар
Сұрақ-жауаптар
ИПОТЕКАҒА ҮЙ АЛУҒА БОЛА МА?

Баспана – киім-кешек, құрал-сайман, көлік секілді адамның негізгі қажеттілігі. Біреулер ата-анасынан мұрағы қалған үйге ие…

ҚАЙТЫС БОЛҒАН АДАМНЫҢ ҚАРЫЗЫН КІМ ТӨЛЕЙДІ?

Қарызы бар адам тірі кезінде одан құтылуға әрекет етуі керек. Өйткені, қарызы бар адамның дүниеден…

ОНЛАЙН НЕКЕ ҚИЮ ДҰРЫС ПА?

Бүгінде қоғамдық тұрмыста телефон немесе интернет байланыс арқылы ер мен әйелдің неке қию деректері жиі…

БАЛАНЫ ҚАМҚОРЛЫҚҚА АЛУДЫҢ ҮКІМІ ҚАНДАЙ?

Ерлі-зайыпты ажырасқаннан кейін баланы ең алдымен қамқорлығына алуға және тәрбиелеуге өз анасы құқылы. Абдулла ибн…

АЖЫРАСҚАН ӘЙЕЛДІҢ КҮТУ МЕРЗІМІ ҚАНША?

Шариғат бойынша әйел адамның күйеуі қайтыс болғаннан соң немесе ажырасқаннан кейін белгілі уақыт күтуі міндетті.…